Dünyada koronavirusa yoluxanların sayı 136 milyon nəfəri ötdü

12 Aprel 2021 - 10:01

Dünyada yeni növ koronavirusa yoluxanların sayı 136 milyon nəfəri ötüb.

“Worldometers” portalının verdiyi məlumata görə, dünyada koronavirusa yoluxanların sayı 136 639 286 nəfərə çatıb.

Bildirilir ki, hazırkı dövrədək koronavirusa yoluxanlardan 2 949 408 nəfəri ölüb, 109 878 677 nəfəri isə sağalıb.

Ən çox yoluxma hallarının qeydə alındığı ölkələr sırasında ABŞ (31 918 591), Hindistan (13 525 379) və Braziliyada (13 482 543) yer alıblar.