“İran nüvə və raket texnologiyalarını özünün milli xəzinələri hesab edir. Bu sahələrdə xarici müdaxilələrə dözməyəcək”.
Azpost.info bildirir ki, bu barədə İranın Ali Rəhbər Müctəba Xameneyi deyib.
“İran vətəndaşları elmi və sənaye resurslarını, eləcə də nanotexnologiya və biotexnologiyadan nüvə və raket texnologiyalarına qədər əsas və qabaqcıl texnologiyalarını milli xəzinələri hesab edir və onları dəniz, quru və hava sərhədlərini qoruduqları kimi qoruyacaqlar”, – deyə o, İslam Respublikasında Fars Körfəzi Günü münasibətilə yazılı müraciətində bildirib.
Xameneyi deyib ki, İran Amerikanın iştirakı olmadan təhlükəsizliyi təmin edərək Fars Körfəzi və Hörmüz Boğazını idarə etməyə davam etmək niyyətindədir.
“İran Hörmüz Boğazı üzərində praktik nəzarəti ələ keçirməklə Fars Körfəzi bölgəsinin təhlükəsizliyini təmin etmək və düşmənin sui-istifadəsinə son qoymaq niyyətindədir”, – deyə Xameneyi göndərdiyi müraciətdə bildirib.
