“Pulları evdə “yastıq altında” saxlayırlar” –Deputat pulun məbləğini açıqladı

“Banklardan kənarda nağd pulun həcmində artımlar davam edir.”Yastıq altında” böyük həcmdə nağd pulun saxlanılması real sektorun maliyyələşdirilməsi baxımından arzuolunan deyil”.
Azpost.info bildirir ki, bu barədə deputat Vüqar Bayramov paylaşımında bildirib.
Onun sözlərinə görə, hazırda banklarda kənarda 14 milyard 941 milyon manat nağd vəsait var: “Əgər bu ilin ilk 8 ayının yekunlarda evlərdə 14 milyard 604 milyon manat saxlanılırdısa bu rəqəm 9 aylıq yekunlarda 14 milyard 741 milyon manat olub. Bu ilin ilk 10 ayında isə banklardan kənarda nağd pulun həcmi əvvəlki ilin uyğun dövrü ilə müqayisədə 17 faiz artaraq 5 milyard manata çatmaqdadır”.
“”Yastıq altında” böyük həcmdə nağd pulun saxlanılması real sektorun maliyyələşdirilməsi baxımından arzuolunan deyil. Çünki potensial olaraq həmin pulların çox hissəsinin banklar vasitəsi ilə iqtisadiyyata yönəldilməsi mümkündür”-deyə deputat vurğulayıb.
Onun fikrincə, evlərdə saxlanılan nağd pulun həcminin çox olması banklara inamın artırılması istiqamətində işlərin daha da sürətləndirilməsini prioritetləşdirir: “Bu kontekstdən, zəif bankların bağlanması deyil, onların konsolidasiyası, yəni birləşdirilməsi mexanizminə ehtiyac var. Bu nağd vəsaitlərin banklar vasitəsi ilə real sektora yönəlməsinə gətirib çıxara bilər”.
Əvvəlki məqalə

Prezidentliyə namizədin qeydiyyatı üçün sənədlər MSK-ya təqdim edilməlidir

Sonrakı məqalə

Nizami rayonunda yolların təmirinə 450 min manat ayrılıb