“TurAz Qartalı – 2022” təlimində döyüş təyyarələri ilə uçuşlar edilib

“TurAz Qartalı – 2022” birgə taktiki-uçuş təlimində döyüş təyyarələri ilə ətrafı tanıma uçuşları icra edilib.

Müdafiə Nazirliyindən (MN) verilən məlumata görə, sonra təlimin planına uyğun olaraq əməliyyat uçuşları yerinə yetirilib.

Uçuşlardan öncə əməliyyatın planı, hava şəraiti və digər texniki məsələlərlə bağlı brifinq təqdim edilib. Plana əsasən radioelektron mübarizə (REM) vasitələrindən istifadə edərək aldadıcı manevrlərlə şərti düşmənin hava hücumundan müdafiə vasitələrindən yayınmaq və təyin olunan yerüstü hədəflərin məhv edilməsi üzrə tapşırıqlar yerinə yetirilib.

Yüksək peşəkarlıq nümayiş etdirən Azərbaycan və Türkiyənin hərbi pilotları qarşıya qoyulan tapşırıqları uğurla icra ediblər.

Əvvəlki məqalə

Metroda qatarda nasazlıq yaranıb

Sonrakı məqalə

“Hazırda pilotsuz uçuş aparatlarının tətbiqi kütləvi xarakter alıb”