Vaqif Mustafayevin internetə sızdırılmış filmi son versiya deyil –NAZİRLİK

Xalq artisti Vaqif Mustafayevin “Həyat, deyəsən, gözəldir” bədii filminin qanunsuz olaraq internetə sızdırılan işçi materialının filmin Bursada keçirilən 2-ci “Korkut Ata” Türk Dünyası Film Festivalında “Ən yaxşı rejissor” nominasiyasının qalibi olan, ən son təsdiqlənmiş versiyasına heç bir aidiyyəti yoxdur.

Bunu APA-nın sorğusuna cavab olaraq, Mədəniyyət Nazirliyindən bildirilib.

Qeyd olunub ki, bununla bağlı müvafiq tədbirlər görülür: “Nazirlik olaraq bu hadisəni “Həyat, deyəsən, gözəldir” filminin istehsalçısı Cəfər Cabbarlı adına “Azərbaycanfilm” kinostudiyasının və filmin müəlliflərinin hüquqlarının pozulması kimi qiymətləndiririk. Filmin Azərbaycanda kütləvi nümayişi isə festival həyatı başa çatdıqdan sonra həyata keçiriləcək. Təxribat xarakterli bu hadisə ilə bağlı filmin müəlliflik hüququnun məxsus olduğu “Azərbaycanfilm” kinostudiyası tərəfindən müvafiq tədbirlər görülür”.

Xatırladaq ki, rejissor Vaqif Mustafayevin “Həyat, deyəsən gözəldir” filmi bir müddət əvvəl internetə sızdırılıb.

Əvvəlki məqalə

“Biz Nəcibə Axundovaya növbəti dəfə şans verdik” –

Sonrakı məqalə

Prezident Bakıda Orta Dəhlizə həsr olunmuş beynəlxalq konfransda iştirak edib –