ABŞ-ın USS Porter (DDG 78) hərbi gəmisi Gürcüstanın Batumi limanına daxil olub.
APA-nın yerli bürosunun xəbərinə görə, bu barədə Gürcüstanın Xarici İşlər naziri David Zalkaliani “Twitter”də bildirib.
Nazir ABŞ hərbi gəmisinin üçüncü dəfə Batumi limanına yan almasını xoş qarşıladığını və bunun ABŞ-la Gürcüstan arasında təhlükəsizlik sahəsində dinamik əməkdaşlığı təsdiqlədiyini bildirib.
Nazir qeyd edib ki, bu fakt Qara dənizin Avro-Atlantik təhlükəsizlik üçün əhəmiyyətini təsdiqləyir, regional sülh və stabilliyi təşviq edir.
Qeyd edək ki, gəmi Batumi limanına iyunun 23-də yan alıb. COVID-19 pandemiyası səbəbi ilə hərbi gəminin heyətinin sahilə çıxmayacağı bildirilib.
