Gürcüstana 2013-cü ildən əvvəl istehsal edilmiş avtomobillərin idxalı məhdudlaşdırılacaq.
APA-nın Tbilisi müxbiri xəbər verir ki, bu barədə Gürcüstanın Baş naziri İrakli Qaribaşvili hökumətin iclasında bəyan edib:
“Biz ölkədəki avtomobillərlə bağlı Avro-5 standartını tətbiq etmək qərarı vermişik. Bu, praktiki olaraq o deməkdir ki, 2013-cü ilədək istehsal edilmiş avtomobillərin idxalı qadağan ediləcək”.
Qaribaşvili minik maşınları ilə bağlı məhdudiyyətin 2024-cü ilin 1 yanvar tarixindən, avtobus və yük maşınları ilə bağlı məhdudiyyətin isə 1 yanvar 2025-ci ildən tətbiq ediləcəyini qeyd edib.
