Cənubi Koreyanın “Jeju Air” aviaşirkətinin Boeing 737-800 təyyarəsinin qəzaya uğramasından sonra ölkənin Muan Beynəlxalq Hava Limanında bütün daxili və beynəlxalq reyslər ləğv edilib.
Azpost.info xəbər verir ki, dəlil toplamaq üçün uçuş-enmə zolağı da mühasirəyə alınıb.
Təyyarədə 5 ekipaj üzvü də daxil olmaqla 181 nəfər olub. Onlardan 179-u Cənubi Koreya, daha ikisi isə Tailand vətəndaşıdır.
İki qadın – sərnişin və stüardessa xilas edilərək xəstəxanaya yerləşdirilib.
Azpost.info
