Ermənistanın Baş naziri Nikol Paşinyan keçmiş prezident Robert Köçəryan və biznesmen, “Çiçəklənən Ermənistan” partiyasının lideri Qaqik Çarukyanın maliyyə vəsaitlərindən məhrum edilməli olduğunu bildirib.
Bu barədə Paşinyan avqustun 25-də Ermənistan parlamentində hökumətin beşillik fəaliyyət proqramının müzakirəsi zamanı danışıb.
Paşinyanın sözlərinə görə, həmin şəxslərin pulları korrupsiya və seçicilərə rüşvət verilməsi məqsədilə istifadə oluna bilər.
“Bəli, həbs olunmalıdırlar. Tsarukyan Qaqik və Köçəryan Robert rüşvət şəklində paylana biləcək pullardan məhrum edilməlidirlər”, – Ermənistan hökumətinin başçısı deyib.
Paşinyan bildirib ki, bu məsələ onun siyasi məsuliyyətidir. “Bunu etməyəcək dövlət ola bilməz. Bunu mən demirəm – bunu Ermənistan xalqı deyir. Kimsə bunu etməməyə çalışsın”, – deyə o vurğulayıb.
