Matt Brittin BBC-nin yeni baş direktoru vəzifəsinə təyin olunub.
Daha əvvəl “Google”da Avropa, Yaxın Şərq və Afrika üzrə fəaliyyətə rəhbərlik edən Brittin bu vəzifədə istefa verən Tim Davieni əvəz edəcək.
BBC rəhbərliyi bildirib ki, Brittin iri və mürəkkəb təşkilatları idarə etmək sahəsində geniş təcrübəyə malikdir və şirkətin transformasiya dövründə bu bacarıqlar mühüm rol oynayacaq.
Qeyd olunur ki, yeni rəhbər BBC üçün kritik dövrdə fəaliyyətə başlayacaq. Hazırda qurumun maliyyələşmə modeli, lisenziya sistemi və ümumi fəaliyyət çərçivəsi ilə bağlı hökumətlə danışıqlar davam edir.
Eyni zamanda BBC rəqəmsal media bazarında böyük texnologiya şirkətləri ilə rəqabət aparır və bu sahədə dəyişikliklərə ehtiyac duyulur.
Məlumata görə, Matt Brittin yeni vəzifəsinə may ayında başlayacaq və onun əsas prioritetlərindən biri qurumun rəqəmsal transformasiyasını sürətləndirmək olacaq.
